Shaetlan Sangs & Stories (Evenin Performance)
Saturday, November 7th 2026 7:00pm - 9:30pm
Boat Hall, Shetland Museum
Shetland ForWirds is blyde ta offer you a opportunity tae immerse yoursel in wir heritage: i da culture, language, music an stories o Shetland while interactin wi da splendid exhibits at da Shetland Museum.
A evenin performance (7pm – 9.30pm) i da Boat Hall i da Museum devotit tae stories an sangs wi a maritime theme. Dey’ll be sangs an music far Claire an Robbie, fae Barry an fae Freda; but you’ll no win haem till Maurice Henderson alang wi Ella an Ewan is pittin a smile apö your face wi his music an yarnin. Maybe you’ll gyet a chance ta hear da Hildina Ballad come alive - an mibbe even join in!
Tickets: Adult £10, Children £6
If you canna mak hit i da evenin, dan dey’ll be a eftirnön performance (2pm – 4pm), parteeclarly fine fur young eens as weel as da young at haert, whin you can möv aroond, guidit fae wan area tae anidder. Doonstair, i da Boat Hall, Barry Nisbet ‘ll be singin nixt tae da sixareen; Shirley Mills an Elsbeth Stewart ‘ll entertain you at da crofthoose wi stories, singin an music; an Jane Cockayne ‘ll regale you wi a extract fae her bairn’s book Wilder an da Nyuggel. (Maybe someen is fun a nyuggel i da museum!)
Upstair (an de’r a lift if needit) you’ll be guidit tae da makkin display whaar Claire White an Robbie Leask ‘ll be singin an performin; an dey’ll be speeshil places ta salist an listen ta Gibbie Fraser tellin a story fae da whalin an Freda Leask singin her lovely compositions.
Da hael performance ‘ll be a celebration o wir splendid local talent, an o wir language an aa, bi some o hit’s finest exponents. Truly unmissable.
Shetland ForWirds is mosst horrid grateful fur da support o Da Shetland Museum.
Category: Community Events, Film/Music
